அசுர வேகத்தில் வந்த பேருந்து..! தூக்கி வீசப்பட்ட விவசாயி.. பரிதாபமாக போன உயிர்.! திருப்பத்தூரில் பயங்கரம்

வாணியம்பாடி அருகே, இருசக்கர வாகனம் மீது தனியார் பள்ளி பேருந்து மோதியதில், விவசாயி உயிரிழந்தார். செட்டியப்பனூரில் இயங்கி வரும் தனியார் பள்ளியில், மாணவர்களை ஏற்றிக் கொண்டு, வெள்ளக்குட்டை நோக்கி பேருந்து சென்றது. அதிவேகமாக சென்ற பேருந்து, கொத்தகோட்டை பகுதியில் எதிரே வந்த இருசக்கர வாகனம் மீது மோதியது. இதில், நாய்க்கனேரி மலைப்பகுதியைச் சேர்ந்த விவசாயி சிவக்குமார் என்பவர், தூக்கி வீசப்பட்டு சம்பவ இடத்திலேயே உயிரிழந்தார். தகவலறிந்து வந்த வாணியம்பாடி போலீசார், உடலை கைப்பற்றி அரசு மருத்துவமனைக்கு அனுப்பி வைத்தனர்.