வீட்டிற்கு வெளியே நின்ற பைக்.. "திடீரென காணோம்" - 2 மணி நேரத்தில் நடந்த மேஜிக்..

மங்களம் பகுதியைச் சேர்ந்த ஜெகன்குமாரின் பைக் காணாமல் போன நிலையில், உடனடியாக போலீசில் புகாரளிக்கப்பட்டது. அந்த பைக்கின் முகப்பு விளக்கு உடைந்திருக்கும் என அடையாளம் கூறப்பட்ட நிலையில், ஏலகிரி மலையில் இருந்து இறங்கும் மாற்று வழியான அத்தனாவூர் பகுதியில் வாகன தணிக்கையில் ஈடுபட்டனர். அப்போது சந்தேகத்திற்குரிய வகையில் முகப்பு விளக்கு உடைந்த பைக்குடன் வந்த இருவரைப் பிடித்து விசாரிக்கையில் உண்மை அம்பலமானது. பிடிபட்ட இருவரும் வாணியம்பாடி அருகே சின்ன வேப்பம்பட்டு பகுதியைச் சேர்ந்த ஜெய் சஞ்சய், சக்திவேல் என்பது கண்டறியப்பட்டது. பைக்கைப் பறிமுதல் செய்த போலீசார் இருவர் மீதும் வழக்குப்பதிவு செய்து சிறையில் அடைத்தனர்.