கல்லூரி மாணவர்கள் விடுதிகளில் அதிரடி சோதனை... பார்த்ததும் பதறிப்போன போலீஸ்

கல்லூரி மாணவர்கள் விடுதிகளில் அதிரடி சோதனை... பார்த்ததும் பதறிப்போன போலீஸ்

கோவை புறநகர் பகுதிகளில் கல்லூரி மாணவர்கள் தங்கியிருக்கும் வீடுகள் மற்றும் அவர்கள் அடிக்கடி செல்லும் இடங்களில் சிறப்பு தனிப்படை போலீசார் அதிரடி சோதனை நடத்தினர். இந்த சோதனையில் 6 கிலோ கஞ்சா, 4 கத்திகள் உள்ளிட்ட பயங்கர ஆயுதங்கள் மற்றும் 42 திருடப்பட்ட இருசக்கர வாகனங்கள் என பல்வேறு பொருட்கள் பறிமுதல் செய்யப்பட்டன. சோதனையின் போது கஞ்சா விற்பனை மற்றும் திருட்டு வழக்குகளில் ஈடுபட்ட 8 கல்லூரி மாணவர்கள் கைது செய்யப்பட்டனர்.

இதுகுறித்து சூலூர் காவல் நிலையத்தில் செய்தியாளர்களிடம் பேசிய மாவட்ட காவல் கண்காணிப்பாளர் கார்த்திகேயன், 250 க்கு மேற்பட்ட போலீசார் 5 குழுக்களாக பிரிந்து சோதனை மேற்கொண்டதாக தெரிவித்தார். சோதனையின்போதே திருட்டு வாகனங்களை எடுத்துச் சென்றவர்களும் பிடிபட்டுள்ளதாக தெரிவித்தார்.