துணை மின் நிலையத்தில் கொழுந்து விட்டு எரிந்த தீ.. பார்த்ததும் பதறிய மக்கள் | Thanthitv

மயிலாடுதுறை அருகே துணை மின் நிலையத்தில் ஏற்பட்ட திடீர் தீ விபத்தால் பரபரப்பு ஏற்பட்டது. பேச்சாவடி துணைமின் நிலையத்தில் இருந்து பல்வேறு பகுதிகளுக்கு மின்சாரத்தை பிரித்து அனுப்பும் 11 கிலோ வாட் திறன் கொண்ட பிரேக்கரில் ஏற்பட்ட பழுதால் திடீரென வெடித்து சிதறியது. தொடர்ந்து அதில் தீ கொழுந்துவிட்டு எரிய தொடங்கியதால் சுற்றுவட்டார பகுதிகளுக்கு செல்லும் மின்சாரம் துண்டிக்கப்பட்டது. தகவலறிந்து வந்த தீயணைப்பு படையினர் ரசாயன பொடியை தூவி தீயை கட்டுக்குள் கொண்டு வந்தனர். தற்போது தீ கொழுந்துவிட்டு எரியும் காட்சிகள் வெளியாகி வைரலாகி வருகிறது.