புஷ்பா... புஷ்பா ராஜே... போதையில் `மரண கோளாறான' மாஸ்டர் - சீரியஸாக... சிரிக்க வைக்கும் வீடியோ

திண்டுக்கல் மாவட்டம் வேடசந்தூரில், பேக்கரி முன்பு பீகார் இளைஞர் ஒருவர் ரகளையில் ஈடுபட்டார். கேரளாவை சேர்ந்தவர்கள் நடத்திவரும் பேக்கரியில், பீகாரை சேர்ந்த அசோக்குமார் ஜூஸ் மாஸ்டராக பணி புரிந்து வந்தார். இந்நிலையில், அசோக்குமாரை பேக்கரியில் இருந்த சக ஊழியர்கள் தாக்கியதாக கூறப்படுகிறது. இதனால் ஆத்திரமடைந்த அசோக்குமார், மதுபோதையில் பேக்கரி முன்பு தகராறில் ஈடுபட்டதுடன், புஷ்பா பட கதாநாயகன் அல்லு அர்ஜுன் போன்று தாடியை நீவிவிட்டு, ஊழியர்களை தாக்க முயன்றார். இதையடுத்து அங்கு வந்த போலீசார் அவரை அங்கிருந்து அப்புறப்படுத்தினர்.