TNPSC தேர்வு எழுத காத்திருப்போர் கவனத்திற்கு...வெளியான அறிவிப்பு

குரூப் 2 பதவிகளில் 507 காலிப்பணியிடங்கள், குரூப்-2ஏ பதவிகளில் ஆயிரத்து 820 காலிப்பணியிடங்கள் என மொத்தம் 2 ஆயிரத்து 327 பணியிடங்கள் உள்ளன. இதனை நிரப்புவதற்கான போட்டி தேர்வு தமிழகம் முழுவதும் வருகிற 14ஆம் தேதி நடைபெற உள்ளது. 7 லட்சத்து 93 ஆயிரத்து 962 பட்டதாரிகள் தேர்வு எழுத உள்ள நிலையில், ஹால்டிக்கெட் வெளியாகி உள்ளது. டி.என்.பி.எஸ்.சியின் அதிகாரப்பூர்வ இணையதள முகவரியில் ஹால்டிக்கெட் பதிவிறக்கம் செய்து கொள்ளலாம் என அறிவிக்கப்பட்டுள்ளது. ஆள் மாறாட்டம், தேர்வு அறைக்கு உள்ளே, வெளியே விரும்பத்தகாத செயல்களில் ஈடுபடுவது உள்ளிட்ட எவ்வித முறைகேட்டிலும் ஈடுபடும் பட்சத்தில் குற்றவியல் நடவடிக்கை எடுப்பதோடு, 3 ஆண்டுகள் தேர்வெழுத தடை விதிக்கப்படும் என டிஎன்பிஎஸ்சி நிர்வாகம் எச்சரிக்கை விடுத்துள்ளது.