தமிழகம் முழுவதும் களைகட்டிய கும்பாபிஷேக விழா... மனம் குளிர பக்தர்கள் வழிபாடு

செங்கல்பட்டு மாவட்டம் திருப்போரூர் அடுத்த வெண்பேடு கிராமத்தில் அமைந்துள்ள பழமைவாய்ந்த மகா காலபைரவர் கோயிலில் கும்பாபிஷேகம் நடைபெற்றது. இதில் பங்கேற்ற ஆயிரத்திற்கும் மேற்பட்ட பக்தர்களுக்கு அன்னதானம் வழங்கப்பட்டது.

சிவகங்கை மாவட்டம் காளையார்கோயில் அருகே கொல்லங்குடியில் அமைந்துள்ள வெட்டுடையார் காளியம்மன் கோயிலில் கும்பாபிஷேக விழா வெகு விமர்சையாக நடைபெற்றது. 17 ஆண்டுகளுக்கு பின்னர் நடைபெற்ற இவ்விழாவில், திரளான பக்தர்கள் கலந்து கொண்டு காளியம்மனை வழிபட்டு சென்றனர்.

நாமக்கல் மாவட்டம் பரமத்திவேலூரில் பிரசித்திபெற்ற மகா மாரியம்மன் கோயிலில், 12 ஆண்டுகளுக்கு பிறகு கும்பாபிஷேக விழா நடைபெற்றது. மூலஸ்தான கோபுரத்துக்கு புனித நீர் தெளிக்கப்பட்டு சிறப்பு தீபாராதனை காண்பிக்கப்பட்டது. இதில் ஏராளமான பக்தர்கள் கலந்துகொண்டனர்.