பால் நிரப்பும் போது கேட்ட பயங்கர சத்தம் - பரபரப்பு சிசிடிவி காட்சி

சேலம் நெய்க்காரப்பட்டி பகுதியில் உள்ள ஆவின் பால் உற்பத்தியாளர்கள் கூட்டுறவு சங்கத்தில், பழுதடைந்த பால் கேனை வெல்டிங் வைத்துள்ளனர். அப்போது வெல்டிங் வைக்க பயன்படுத்திய சிலிண்டர் திடீரென வெடித்து சிதறியது. இதில் வெல்டிங் வைக்கும் பணியில் ஈடுபட்டிருந்த கோபி மற்றும் குமார் ஆகிய இருவரும் பலத்த காயமடைந்தனர். பின்னர் அப்பகுதியில் இருந்த பொதுமக்கள் ஆம்புலன்ஸ் மூலமாக மீட்டு சிகிச்சைக்காக தனியார் மருத்துவமனையில் அனுமதித்துள்ளனர். தற்போது சிலிண்டர் வெடித்த இடத்தில் சேலம் கொண்டலாம்பட்டி காவல்துறையினர் விசாரணை மேற்கொண்டு வருகின்றனர். இதனிடையே சிலிண்டர் வெடித்து சிதறும் சிசிடிவி காட்சிகள் வெளியாகி பெரும் பரபரப்பை ஏற்படுத்தி உள்ளது.