திருச்சி காவிரியில் அமெரிக்க போர் ராக்கெட் லாஞ்சர்- எப்படி வந்தது? - SP வருண் முக்கிய தகவல்

திருச்சி காவிரியில் அமெரிக்க போர் ராக்கெட் லாஞ்சர்- எப்படி வந்தது? - SP வருண் முக்கிய தகவல்

திருச்சி மாவட்டம், அந்தநல்லூர் சிவன் கோயில் அருகில், காவிரி ஆற்று படித்துறையில் ஒன்றரை அடி நீளமுள்ள, நீல நிறத்தாலான, ஒன்றரை கிலோ எடை கொண்ட ராக்கெட் லாஞ்சர் கிடந்துள்ளது. இது குறித்து அப்பகுதி மக்கள் கடந்த புதன்கிழமை அன்று ஜீயபுரம் காவல் நிலையத்திற்கு தகவல் அளித்தனர். தகவலின் பேரில் சம்பவ இடத்திற்கு வந்த போலீசார் லாஞ்சரை கைப்பற்றி விசாரணை நடத்தினர். இந்த வகையான ராக்கெட் லாஞ்சர் 1950களில், கொரியா போரில், அமெரிக்கா இராணுவத்தால் பயன்படுத்தப்பட்ட ராக்கெட் லாஞ்சர என திருச்சி மாவட்ட காவல் கண்காணிப்பாளர் வருண் குமார் தெரிவித்துள்ளார். இந்த ராக்கெட் லாஞ்சர் ஜீயபுரம் பகுதியில் கிடந்ததன் மர்மம் குறித்து தீவிர விசாரணை மேற்கொள்ளப்பட்டு வருவதாக தெரிவித்துள்ளார்.