அதிகாலையில் வீட்டுக்குள் இறங்கிய மர்ம கும்பல்.. பதறிப்போன குடும்பம் - நடுங்கிய புதுக்கோட்டை

கந்தர்வகோட்டை முல்லை நகரில் வசிக்கும் அப்பாஸ் என்பவரின் வீட்டின் கதவை உடைத்து அதிகாலை 4 மணிக்கு புகுந்த மர்ம நபர்கள், பீரோவில் இருந்த 3 பவுன் தங்கச் செயின், 15 லட்சத்து 50 ஆயிரம் ரூபாய் ரொக்க பணம் ஆகியவற்றை திருடிச் சென்றுள்ளனர். தடுக்க முயன்ற அப்பாஸை கடுமையாக தாக்கிய மர்ம நபர்கள், அப்பாஸ் மனைவி அணிந்திருந்த 3 பவுன் செயினையும் பறித்துச் சென்றுள்ளனர். அலறல் சத்தம் கேட்டு ஓடிவந்த அக்கம் பக்கத்தினர், பலத்த காயங்களுடன் கிடந்த அப்பாஸை மீட்டு தஞ்சாவூரில் உள்ள தனியார் மருத்துவமனையில் சேர்த்துள்ளனர். இச்சம்பவம் குறித்து போலீசார் தீவிர விசாரணை நடத்தி வருகின்றனர். முல்லை நகர் பகுதியில் போலீஸ் ரோந்து பணி குறைவாக இருப்பதால் திருட்டுச் சம்பவங்கள் நடைபெறுவதாக அப்பகுதி மக்கள் தெரிவித்துள்ளனர்.