TVயை மிஞ்சும் நாடகம்- விசாரணையில் ட்விஸ்ட் - அதிர்ச்சியில் உறைந்து போன போலீஸ்

திருவாரூர் மாவட்டம் மேட்டுப்பாளையம் பகுதியில் குடும்பத்துடன் வசித்து வருபவர் ஆறுமுகம். குடும்ப சூழ்நிலை காரணமாக கடந்த சில ஆண்டுகளுக்கு முன் வெளி நாட்டிற்கு வேலைக்குச் சென்று இருக்கிறார் ஆறுமுகம். வெளி நாட்டில் சம்பாதிக்கும் பணத்தை மனைவி குணசுந்தரிக்கு அனுப்பி வைத்து இருக்கிறார். கடந்த சில தினங்களுக்கு முன் ஆறுமுகம் வெளி நாட்டிலிருந்து வீடு திரும்பி இருக்கிறார். அப்போது வீட்டிலிருந்த 15 சவரன் நகை திருடு போய்விட்டதாக குணசுந்தரி கூறியதால் போலீசில் புகார் அளித்தனர். இது தொடர்பாக போலீசார் நடத்திய விசாரணையில் சொந்த தேவைக்காக குணசுந்தரி நகையை ஆறு லட்சம் ரூபாய்க்கு அடமானம் வைத்தது தெரியவந்துள்ளது. இதனைத் தொடர்ந்து திருட்டு நாடகம் நடத்திய குணசுந்தரி மீது வழக்குப் பதிவு செய்து கைது செய்தனர்.