மனைவியைக் கத்தியால் குத்திய கணவன்.. பிசிறு தட்டாமல் தட்டி தூக்கிய போலீஸ் | Thanthitv

மனைவியைக் கத்தியால் குத்திய கணவனை போலீசார் கைது செய்தனர். விருதுநகர் மாவட்டம் அருப்புக்கோட்டையை அடுத்துள்ள ஆத்திப்பட்டியை சேர்ந்தவர் கோபாலகிருஷணன் ராமலட்சுமி தம்பதி. இவர்களுக்குக் குழந்தை உள்ள நிலையில் ராமலட்சுமி அருப்புக்கோட்டையில் உள்ள தனியார் மருத்துவமனையில் செவிலியராக வேலை பார்த்து வருகிறார். மனைவி மீது சந்தேகமடைந்த கோபாலகிருஷணன் அடிக்கடி தகராறில் ஈடுபட்டு இருக்கிறார். சம்பவத்தன்று வேலைக்குப் புறப்பட்ட ராமலட்சுமியுடன் தகராறில் ஈடுபட்டு ஆத்திரத்தில் அவரை கத்தியால் குத்தி இருக்கிறார். இதில் படுகாயம் அடைந்த ராமலட்சுமி மருத்துவமனையில் அனுமதிக்கப்பட்டார். இது தொடர்பாக வழக்குப் பதிவு செய்த போலீசார் கோபாலகிருஷணனைக் கைது செய்தனர்.