"தவறான முடிவுகளை எடுக்காதீர்கள்" - நீட் தேர்வில்வெற்றி பெற்று அசத்தும் தமிழக மாணவிகள்

ஒருமுறை தோற்றுவிட்டோம் என சோர்ந்து போகக் கூடாது என மூன்றாம் முயற்சியில் நீட் தேர்வில் வெற்றி பெற்ற மாணவி தெரிவித்துள்ளார். தூத்துக்குடி மாவட்டம், திருச்செந்தூர் அருகே உள்ள காயல்பட்டினம் பகுதியை​ச் சேர்ந்த கூலித்தொழிலாளி முனீஸ்குமாரின் மகள் பவித்ரா, மூன்றாவது முயற்சியில் நீட் தேர்வில் வெற்றி பெற்றுள்ளார். அவருக்கு சென்னை தனியார் மருத்துவக்கல்லூரியில், 7 புள்ளி 5 சதவீத இட ஒதுக்கீட்டின் கீழ் இடம் கிடைத்துள்ளது. உறவினர்களுக்கு இனிப்பு வழங்கி மகிழ்ச்சியை தெரிவித்த அவர், தோல்வியை கண்டு சோர்ந்து போகக் கூடாது என்றார்.