பைக் சாகசத்தில் சிக்கிய 2K கிட் ஸ்பெஷல் ட்ரீட் கொடுத்த போலீஸ்குமரியில் நடந்த பாச வேட்டை

சமீப காலமாக பைக் சாகசம் என்ற பெயரில் இளைஞர்கள் தரும் இடையூறுகளால் பொதுமக்களும், வாகன ஓட்டிகளும் கடும் அவதிக்கு ஆளாகி வருகின்றனர்... அவ்வாறு சாலையில் சேட்டை செய்யும் இளைஞர்களைப் பிடித்து போலீசாரும் கண்டித்து தான் வருகின்றனர்... இருந்தபோதும் இந்த 2கே கிட்ஸ் தொல்லை நாளுக்கு நாள் அதிகரித்து தான் வருகிறது... அப்படி... கோட்டார் காவல் நிலைய எல்லைக்கு உட்பட்ட பகுதியில் பைக்கில் சாகசம் செய்த இளைஞர்களை பைக்குகளுடன் பிடித்து காவல் நிலையம் அழைத்து வந்தனர் போலீசார்... திருப்பதிச்சாரத்தைச் சேர்ந்த சஞ்சய், நாகராஜன் ஆகிய இருவரும் காவல் நிலையத்தில் வைத்து விசாரிக்கப்பட்ட நிலையில், சஞ்சய்க்கு பிறந்த நாள் என்பது தெரிய வந்தது... பிறந்த நாளன்று எதற்காக தண்டனை தர வேண்டும் என நினைத்த போலீசார் அவர்கள் மீது நடவடிக்கை எடுக்காமல் மன்னித்து விட தீர்மானித்து பெற்றோர்களை அழைத்து எச்சரிக்கை மட்டும் விடுத்தனர்... அத்துடன் போலீசார் தங்கள் செலவிலேயே கேக் வாங்கி வந்து காவல் நிலையத்திலேயே வைத்து சஞ்சயை கேக் வெட்ட வைத்து அவருக்கு ஊட்டி விட்டு பிறந்த நாள் கொண்டாடினர்... போலீசாரின் அன்பைக் கண்டு நெகிழ்ந்து போன சஞ்சய் தான் செய்த தவறை உணர்ந்து இனி இதுபோல் செய்ய மாட்டேன் என மன்னிப்பு கோரினார்... இளைஞரை கண்டிப்புடன் கூடிய அன்பால் போலீசார் திருத்திய சம்பவம் நெகிழ்ச்சியை ஏற்படுத்தியுள்ளது...