3 மடங்கு அதிகரித்த விமானக் கட்டணம்... அதிர்ந்து போன பயணிகள்

3 மடங்கு அதிகரித்த விமானக் கட்டணம்... அதிர்ந்து போன பயணிகள்

சேலம் விமான நிலையத்தில் இருந்து சென்னை, பெங்களூர், கொச்சி, ஐதராபாத் ஆகிய நகரங்களுக்கு விமானங்கள் இயக்கப்பட்டு வருகிறது. இந்நிலையில், தீபாவளியை முன்னிட்டு முன் எப்போதும் இல்லாத வகையில் விமான கட்டணங்கள் மும்முடங்கு உயர்த்தப்பட்டுள்ளன. சென்னையில் இருந்து சேலம் செல்ல 3 ஆயிரத்து 300 ரூபாய் என்ற வழக்கமான கட்டணம் தற்போது 8 ஆயிரத்து 353 முதல் 11 ஆயிரம் ரூபாய் வரை உயர்ந்துள்ளது. சென்னை, திருச்சி கட்டணம் வழக்கமாக 2 ஆயிரத்து 382 ரூபாயாக உள்ள நிலையில், தற்போது 8 ஆயிரத்து 211 முதல்10 ஆயிரத்து 556 ரூபாய் வரை உயர்ந்துள்ளது. இதே போல திருவனந்தபுரம், பெங்களூரு, கொச்சி, கொல்கொத்தா, டெல்லி உள்ளிட்ட நகரங்களுக்கான விமான கட்டணங்களும் உயர்த்தப்பட்டுள்ளன.