நள்ளிரவில் வீட்டின் கதவை உடைத்த யானை- கடைசி நொடியில் உயிர் தப்பிய குடும்பம் - வெளியான பகீர் காட்சி

நீலகிரி மாவட்டம் நெல்லியாளம் அரசு தேயிலைத் தோட்ட தொழிலாளர்கள் குடியிருப்பில் இரவு நேரத்தில் புகுந்த காட்டு யானை வீட்டின் கதவைத் தும்பிக்கையால் உடைத்த சம்பவம் பீதியைக் கிளப்பியது... ஊருக்குள் யானை புகுந்ததை அறிந்ததுமே ஊர் மக்கள் கண் விழித்து யானை நடமாட்டத்தைக் கண்காணித்து வந்தனர். அப்போது வீடு ஒன்றின் கதவைத் தும்பிக்கையால் உடைத்த காட்டு யானையை ஊர் மக்கள் சத்தம் போட்டு விரட்டினர்... வீட்டிற்குள் இருந்தவர்கள் பின்பக்கம் வழியாக தப்பி பக்கத்து வீட்டில் தஞ்சம் புகுந்தனர்... வனத்துறையினர் அந்த யானையை விரட்டினர். யானை நடமாட்டத்தால் ஊர் மக்கள் இரவு முழுவதும் தூக்கம் தொலைத்து தவித்தனர்.