லாரி ஓட்டுநர் கழுத்தில் கத்தி வைத்த பெண்? சுத்துப்போட்ட இளைஞர்கள் - கோவையில் அதிர்ச்சி

கோவை மேட்டுப்பாளையம் பகுதியை சேர்ந்தவர் பிரபு. லாரி ஓட்டுநரான இவர், கேரளாவில் சிலிக்கா மணலை எற்றிக் கொண்டு, கோவை நோக்கி வந்து கொண்டிருந்தார். அப்போது நவகரை அருகே பெண் வேடமணிந்த ஒருவர் வழிமறித்து உதவி கேட்டுள்ளார். உடனடியாக லாரியை நிறுத்திவிட்டு, கீழே இறங்கிய பிரபுவை நான்கு பேர் கொண்ட கும்பல் சுற்றி வலைத்துக் கொண்டது. கழுத்தில் கத்தியை வைத்து, மிரட்டிய நிலையில், பிரபுவிடம் இருந்து 30 ஆயிரம் ரொக்கப்பணத்தை பிடங்கிச் சென்றனர். தொடர்ந்து கேஜி சாவடியில் இது தொடர்பாக பிரபு புகாரளித்த நிலையில், குற்றவாளிகளை பிடிக்க தனிப்படை அமைக்கப்பட்டது. பிரபுவை ஏமாற்றியதை போன்றே, மற்றொரு ஓட்டுநரை ஏமாற்ற முயன்ற போது, 5 பேர் கொண்ட கும்பல் தனிப்படை போலீசாரிடம் சிக்கியது. இந்த சம்பவத்தில், சபரீஷ், குரு பிரசாத், நாகராஜ், சூர்யா, சிவா உள்ளிட்ட ஐந்து பேரையும் போலீசார் கைது செய்தனர். பிரபுவிடம் பணத்தை பிடுங்கியதும் இந்த கும்பல்தான் என தெரியவந்த நிலையில், 5 பேரும் நீதிமன்றத்தில் ஆஜர்படுத்தப்பட்டு, சிறையில் அடைக்கப்பட்டனர்.