நலத்திட்ட உதவி வழங்கும் நிகழ்ச்சியில் கலவரம்.. தாக்கியவர்களை கைது செய்ய பெண் போராட்டம்

சென்னை கொருக்குப்பேட்டையில் திமுக சார்பில் நலத்திட்ட உதவி வாழங்கும் நிகழ்ச்சியில், அடிதடி ஏற்பட்டு ஒருவர் பலத்த காயமடைந்தார். புயல் நிவாரண பொருடக்ள வழங்கும் நிகழ்ச்சி நடைபெற்ற போது, வயதானவர் ஒருவரை தள்ளிவிட்டதாக கூறப்படுகிறது. இதனால், பாலா என்பவரை சிலர் தாக்கியுள்ளனர். பலத்த காமயடைந்த பாலாவை காவல்துறையினர் மருத்துவமனைக்கு அனுப்பி வைத்தனர். அதே நேரத்தில், தாக்குதலில் ஈடுபட்டவர்களை கைது செய்யக்கோரி, பாலாவின் தங்கை தர்ணாவில் ஈடுபட்டார். அவரிடம் பேச்சுவார்த்தை நடத்திய காவல்துறையினர், புகார் கொடுங்கள் தகுந்த நடவடிக்கை எடுப்போம் என்று உறுதி அளித்த‌த‌ன் அடிப்படையில், அந்த பெண் புறப்பட்டு சென்றார்.