Hero பைக்கை குறிவைத்த நூதன திருடன்... அப்படியே தூக்கிய போலீஸ்

விழுப்புரம் மாவட்டம் செஞ்சி சுற்றுவட்டார பகுதிகளில் தொடர்ச்சியாக இரு சக்கர வாகனங்களை திருடி வந்த நபரை போலீசார் தீவிரமாக தேடி வந்தனர். ஆங்காங்கே உள்ள சிசிடிவி கேமராக்களை ஆய்வு செய்து விசாரணை மேற்க்கொண்டதில் இரு சக்கர வாகனதிருட்டில் ஈடுபட்டது சென்னை கீழ்பாக்கம் பகுதியை சேர்ந்த ஷாஜகான் என்பது தெரிய வந்தது. இந்நிலையில் ஷாஜகானை கைது செய்த செஞ்சி போலீசார் அவரிடம் இருந்து 18 இரு சக்கர வாகனங்களையும் பறிமுதல் செய்தனர். ஹீரோ மற்றும் ஹோண்டா ரக இரு சக்கர வாகனங்களை மட்டும் குறி வைத்து திருடுவது இவரது சிறப்பு இயல்பு என போலீசார் தெரிவித்தனர். அவர் மீது வழக்கு பதிவு செய்து விசாரணை மேற்கொண்டுள்ளனர்.