பர்ஸை தவற விட்டவருக்கு கடவுளாக தெரிந்த மாணவன்..வீட்டிற்கே சென்று சர்ப்ரைஸ் கொடுத்த `தாடி பாலாஜி'

நெல்லை பேருந்து நிலையத்தில் கிடந்த பர்சை காவலர்களிடம் ஒப்படைத்து நேர்மையாக செயல்பட்ட மாணவர் சரவண குருவை நடிகர் பாலாஜி நேரில் பாராட்டி பரிசளித்தார்... புதிய பேருந்து நிலையத்தில் பேருந்தில் ஒருவர் தவற விட்ட பர்சை பாளையங்கோட்டை பள்ளியில் 8ம் வகுப்பு பயின்று வரும் மாணவர் சரவண குரு பத்திரமாக போலீசில் ஒப்படைத்தது பெரும் பாராட்டுகளைப் பெற்றது... இச்செய்தியை அறிந்த நடிகர் பாலாஜி, சரவண குருவை வீடியோ கால் மூலமாக அழைத்து பேசி பாராட்டி இருந்தார்... இந்நிலையில் நெல்லைக்கு வருகை தந்த அவர் நேராக ரெட்டியார்பட்டி குடிசை மாற்று வாரியத்தில் உள்ள சரவண குரு இல்லத்திற்கு நேராக சென்று மாணவருக்கும், அவரது தந்தைக்கும் சால்வை அணிவித்து பாராட்டி சரவண குருவுக்கு ஸ்மார்ட் வாட்சைப் பரிசளித்தார்...