மலிவு விலையில் மளிகை பொருட்கள்..தமிழகம் முழுவதும் அமுதம் அங்காடிகள் - மக்களுக்கு வெளியான நியூஸ்

மலிவு விலையில் மளிகை பொருட்கள்..தமிழகம் முழுவதும் அமுதம் அங்காடிகள் - மக்களுக்கு வெளியான ஹேப்பி நியூஸ்

தமிழகம் முழுவதும் புதிதாக 100 அமுதம் அங்காடிகளை திறக்க நடவடிக்கை எடுக்கப்பட்டு வருவதாக, உணவுப்பொருள் வழங்கல் துறை அதிகாரிகள் தெரிவித்துள்ளனர். தமிழ்நாட்டில் அரிசி, பருப்பு, எண்ணெய் உள்ளிட்ட முக்கியமான மளிகைப் பொருட்களின் விலையைக் கட்டுப்படுத்த, அமுதம் அங்காடிகள் எனப்படும் பல்பொருள் அங்காடிகள் நடத்தப்படுகின்றன. இந்நிலையில் தமிழகம் முழுவதும் கூடுதலாக 100 அமுதம் அங்காடிகளை திறக்க நடவடிக்கை எடுக்கப்பட்டு வருவதாக, உணவுப்பொருள் வழங்கல் துறை அதிகாரிகள் தெரிவித்துள்ளனர். பொதுமக்கள் எளிதில் அணுகும் வகையில் இந்த அங்காடிகள் அமைக்கப்பட உள்ளதாகவும், பாமாயில் மற்றும் துவரம் பருப்பு தங்கு தடையின்றி கிடைக்கும் வகையில் ஏற்பாடு செய்யப்பட்டுள்ளதாகவும் தெரிவித்தனர். மேலும் ஜூலையில் துவரம் பருப்பு, பாமாயில் பெறாதவர்கள் ஆகஸ்ட் மாதம் பெற்றுக் கொள்ளலாம் என்றும் அறிவுறுத்தப்பட்டுள்ளது.