"நான்கு அமைச்சர்கள் தவிர" அனைத்து எம்.எல்.ஏ க்களுக்கும் பறந்த கடிதம்.. பரபரப்பை கிளப்பிய பா.ம.க. MLA

அனைத்து எம்எல்ஏக்களுக்கும் சேலம் மேற்கு தொகுதி பாமக எம்எல்ஏ அருள் எழுதியுள்ள கடிதம் பரபரப்பை ஏற்படுத்தியுள்ளது. அந்த கடிதத்தில், அமைச்சர்களிடம் கொடுக்கப்படும் மனுக்கள் மீது இதுவரை எந்த நடவடிக்கையும் எடுக்கப்படவில்லை என குற்றம்சாட்டியிருந்தார். இதுவரை தனது தொகுதி சார்ந்து ஆயிரத்துக்கும் மேற்பட்ட மனுக்கள் கொடுக்கப்பட்டதில், 9 மனுக்கள் மட்டுமே நிறைவேற்றப்பட்டுள்ளதாக குறிப்பிட்டிருந்த அருள், அமைச்சர்கள், அதிகாரிகள், சட்டமன்ற உறுப்பினர்களை அவமானப்படுத்துவதாகவும் பகிரங்கமாக குற்றச்சாட்டியுள்ளார். சில அமைச்சர்கள் மனுவை தொட்டாலோ படித்தாலோ தீட்டு என்பது போல் பார்ப்பதாகவும், கட்சி பாகுபாடு இன்றி அனைவரும் ஒன்று சேர்ந்து முதல்வரிடம் இதுகுறித்து எடுத்துரைப்போம் என்றும் பா.ம.க எம்எல்ஏ அருள் அழைப்பு விடுத்துள்ளார்.