மழைநீரில் மூழ்கிய நெற்பயிர்கள்.. கண்ணீர் மல்க கதறும் விவசாயிகள் | Thanjavur

தஞ்சை மாவட்டம், மெலட்டூர் அருகே தொடர் மழை காரணமாக 250 ஏக்கரில் நடவு செய்யப்பட்டிருந்த நெற்பயிர்கள் நீரில் மூழ்கி அழுகும் நிலையில் உள்ளன. கடந்த சில தினங்களாக பெய்து வரும் மழையினால், இங்குள்ள வாய்க்கால்களில் இருந்து அதிகமாக தண்ணீர் வருவதால் பலநூறு ஏக்கர் வயல்களில் தண்ணீர் தேங்கி நெற்பயிர்கள் முற்றிலும் அழுகி வீணாகும் அபாயம் ஏற்பட்டுள்ளது. பத்து ஆண்டுகளுக்கும் மேலாக வாய்க்கால் தூர் வாரப்படாததே வயல்களில் தண்ணீர் தேங்குவதற்கு காரணம் என்று வேதனையுடன் கூறும் விவசாயிகள், தூர் வாருவதற்கு சம்பந்தப்பட்ட அதிகாரிகள் உரிய நடவடிக்கை எடுக்க வேண்டும் என்று கோரிக்கை விடுத்துள்ளனர்.