தமிழகத்திலேயே முதல்முறை.. கும்பாபிஷேகம் நடத்திய 60 பெண்கள் - மாறிய வரலாறு

தஞ்சாவூர் மாவட்டம் திருபுவனத்தில் அமைந்துள்ள ஆதிசக்தி ஞானபீடத்தில், மஹா கும்பாபிஷேகம் வெகு விமரிசையாக நடைபெற்றது. தமிழ் சித்தர் கண்ணன் அடிகள், கோவை காமாட்சிபுரம் ஆதீனம் ஆகியோர் முன்னிலையில் நடைபெற்ற இந்த விழாவில், நான்கு கால பூஜைகளும், தமிழ் மந்திரங்கள் ஓதி 60 பெண்களே கும்பாபிஷேகத்தை நடத்தினர். மேலும் கோயில் கருவறைக்கு சென்று அபிஷேகம் செய்தனர். தமிழகத்தில் முதன்முறையாக பெண்களே யாகசாலை பூஜை செய்து குடமுழுக்கு நடத்தியது குறிப்பிடத்தக்கது. சுற்றுப்புற பகுதிகளைச் சேர்ந்த ஆயிரக்கணக்கான பக்தர்கள் கலந்து கொண்டனர்.