டாஸ்மாக்கில் சப்ளையரை அடித்தே கொன்ற சூப்பர்வைசர் - காஞ்சிபுரத்தில் கொடூர சம்பவம்

டாஸ்மாக் அருகே உள்ள தனியார் பாரின் சூப்பர்வைசர் அங்கு பணியாற்றும் ஊழியரை அடித்துக் கொன்ற சம்பவம் பரபரப்பை ஏற்படுத்தி இருக்கிறது

காஞ்சிபுரம் மாவட்டம் மணிமங்கலத்தில் அரசு மதுபானக்கடை செயல் பட்டு வருகிறது. இதன் அருகே செயல்பட்டு வரும் தனியார் மதுபான பாரில் சூப்பர்வைசராக வினோத் வேலை பார்த்து வருகிறார். அதே பாரில் சப்பளையராக வேலை பார்த்து வரும் காணிக்கராஜை மது அருந்த வந்தவர்கள் தகராறில் ஈடுபட்டுத் தாக்கியுள்ளனர். இந்த சண்டையில் பொடி மாசு சாப்பிட்டதற்கான பணம் கொடுக்காமல் சென்றுள்ளனர். இது குறித்து வினோத் காணிக்கராஜிடம் கேட்டதில் இருவருக்கும் தகராறு ஏற்பட்டு இருக்கிறது. இதனால் ஆத்திரமடைந்த வினோத் கடுமையாகத் தாக்கியதில் காணிக்கராஜ் சம்பவ இடத்திலேயே விழுந்து உயிரிழந்தார். இது குறித்து வழக்குப் பதிவு செய்த போலீசார் வினோத்தைக் கைது செய்தனர்