தமிழகத்தில் இத்தனை ரவுடிகளா? நினைச்சி பார்க்கவே முடியாத லிஸ்ட்..சென்னையில மட்டும் 3,000 ரவுடிகள்

தமிழ்நாட்டில் 20 ஆயிரத்திற்கும் மேற்பட்ட ரவுடிகள் இருப்பதாக தகவல் அறியும் உரிமை சட்டத்தின் மூலம் தெரியவந்துள்ளதாக சமூக ஆர்வலர் ஒருவர் தெரிவித்துள்ளார்...

சென்னை காவல் ஆணையர் அலுவலகத்தில் நமது மக்கள் சாம்பிராஜ்யம் அமைப்பின் தலைவர் சசிகுமார் ரவுடிகள் குறித்த பட்டியலை வழங்கி, அவர்கள் மீது நடவடிக்கை எடுக்க வேண்டும் மனு அளித்திருந்தார். பின்னர் செய்தியாளர்களை சந்தித்த அவர், தமிழ்நாட்டில் 20 ஆயிரம் ரவுடிகள் இருப்பதாகவும், அவர்களில் சென்னையில் மட்டும் 3 ஆயிரம் ரவுடிகள் உள்ளனர் எனவும் கூறினார். பல்வேறு மாவட்ட காவல்துறையினர் ரவுடிகள் குறித்த விபரங்களை தர மறுத்துவிட்டதாக கூறிய அவர், தகவல் அறியும் உரிமை சட்டத்தின் மூலக் கிடைத்த தகவலின் அடிப்படையிலே இவ்வளவு ரவுடிகள் இருப்பதாகவும் தெரிவித்தார்....