பானி பூரி கடை நடத்தியவரின் மனைவியை தாக்கிய இளைஞர்கள் - சென்னை அருகே அதிர்ச்சி

திருவள்ளூர் மாவட்டம் கும்மிடிப்பூண்டியில், பானி பூரி கடை நடத்தி வரும் குடும்பத்தினரை தாக்கியதாக 2 இளைஞர்களை போலீசார் கைது செய்தனர். கும்மிடிப்பூண்டி பஜாரில், வடமாநிலத்தை சேர்ந்த மன்மோகன், பானிபூரி கடை நடத்தி வருகிறார். இங்கு சென்ற சதீஷ்குமார், ஸ்ரீகாந்த் ஆகியோர், பானிபூரி சாப்பிட்டு பணம் தராமல் வாக்குவாதத்தில் ஈடுபட்டதுடன், மன்மோகனின் மனைவி ரீத்தா மற்றும் மகள்களை தகாத வார்த்தைகளால் பேசி தாக்கியதாக கூறப்படுகிறது. ரீத்தா, மருத்துவமனையில் அனுமதிக்கப்பட்ட நிலையில், மன்மோகன் அளித்த புகாரின்பேரில், சதீஷ்குமார் மற்றும் ஸ்ரீகாந்தை போலீசார் கைது செய்தனர்.