தாம்பரத்தில் 13 வயது சிறுமியை.. 2 பெண் பிள்ளைகளின் தகப்பன் செய்த அசிங்கம்

தாம்பரம் அடுத்த பள்ளிக்கரணையில் வசித்து வருபவர் மகேஸ்வரன். 44 வயதான இவருக்கு திருமணம் ஆகி 2 பெண் பிள்ளைகள் உள்ள நிலையில், கார் ஓட்டுநராக பணிபுரிந்து வருகிறார். இந்நிலையில், தெருவில் விளையாடிக் கொண்டிருந்த 13 வயது சிறுமி ஒருவரை, மகேஸ்வரன் வலுக்கட்டாயமாக இழுத்துச் சென்று பாலியல் தொல்லை கொடுத்தது அப்பகுதியை பரபரப்புக்கு உள்ளாக்கி இருக்கிறது. சிறுமியின் பெற்றோர் அளித்த புகாரின் அடிப்படையில், சம்பவம் குறித்து விசாரணை நடத்தி வந்த போலீசாரிடம், தன் குற்றத்தை மகேஸ்வரன் ஒப்புக்கொண்ட நிலையில், அவரை போக்சோவின் கீழ் வழக்குபதிவு செய்து போலீசார் கைது செய்தனர்.