நீர்த்தேக்கத்தொட்டி மீது ஏறி தற்கொலைக்கு முயன்றவர் மீட்பு

மரக்காணத்தை அடுத்த கோட்டிக்குப்பம் கிராமத்தைச் சேர்ந்த கனகராஜ், மனைவியுடன் சண்டையிட்டுக் கொண்டு தற்கொலை செய்து கொள்வதற்காக 75 அடி உயர நீர்த்தேக்கத் தொட்டியில் ஏறியுள்ளார். அப்போது, மேல்நிலை நீர்த்தேக்க தொட்டியின் மீது மயக்கம் அடைந்ததால் அவரை அருகில் இருந்தவர்கள் மீட்பதற்கு மேற்கொண்ட முயற்சிகள் பலனளிக்கவில்லை. இதையடுத்து, மரக்காணம் தீயணைப்பு மற்றும் மீட்பு பணிகள் துறையின் வீரர்கள், நீர்த்தேக்க தொட்டியின் மீது ஏறி, மயங்கிய நிலையில் இருந்த கனகராஜை கயிறு கட்டி பத்திரமாக கீழே கொண்டு வந்தனர். இதையடுத்து அவர் சிகிச்சைக்காக மரக்காணம் அரசு மருத்துவமனைக்கு அனுப்பி வைக்கப்பட்டார்.