`வேட்டை நாய்கள்' - "அதிகார வேட்கைக்காக மனிதர்கள் ஆடும் சதுரங்க ஆட்டம்" - நாவலை இயக்கும் சுதா கொங்கரா

'வேட்டை நாய்கள்' என்ற நாவலை இயக்குவதற்கான உரிமத்தை, இயக்குநர் சுதா கொங்கரா பெற்றுள்ளார். பிரபல வார இதழில், எழுத்தாளர் நரன் எழுதிய வேட்டை நாய்கள் என்ற தொடர், அண்மையில் இரு பாகங்கள் கொண்ட நாவலாக வெளியிடப்பட்டது. இலக்கிய வட்டாரத்தில் வரவேற்பை பெற்ற இந்த நாவலை, படமாக இயக்குவதற்கு அதன் திரைக்கதை உரிமத்தை இயக்குநர் சுதா கொங்கரா பெற்றுள்ளார். தூத்துக்குடி மாவட்டத்தை கதைக்களமாக கொண்ட இந்த நாவல், அதிகார வேட்கைக்காக மனிதர்கள் ஆடும் சதுரங்க ஆட்டத்தை ரத்தமும், சதையுமாக பிரதிபலிக்கும் வகையில் எழுதப்பட்டது. இந்த நாவலை திரைக்கதையாக மாற்றும் பணி கடினமானதாக இருந்தாலும், மகிழ்ச்சி அளிக்கக் கூடியது என சுதா கொங்கரா தனது எக்ஸ் தள பக்கத்தில் பதிவிட்டுள்ளார்.