தாம்பரத்தில் மழைக்கு ஒதுங்கிய 2 கல்லூரி மாணவர்கள் துடிதுடித்து பலி

தாம்பரம் அடுத்த சேலையூரில் மழைக்கு ஒதுங்கிய கல்லூரி மாணவர்கள் படிக்கட்டு இடிந்து உயிரிழந்த சம்பவம் சோகத்தை ஏற்படுத்தி உள்ளது.

சென்னை புறநகர் பகுதிகளான தாம்பரம், குரோம்பேட்டை, பெருங்களத்தூர், சேலையூர் உள்ளிட்ட பல்வேறு பகுதிகளில் கனமழை பெய்தது. இதனால், தாழ்வான பகுதிகளில் ஆங்காங்கே மழைநீர் தேங்கியது. இதனிடையே, கனமழையால் சேலையூர் பகுதியில் கல்லூரி மாணவர்கள் இருவர் கட்டடத்தின் படிக்கட்டின் கீழ் ஒதுங்கியுள்ளனர். அப்போது, படிக்கட்டு திடீரென இடிந்து விழுந்ததில் கல்லூரி மாணவர்கள் இருவரும் சம்பவ இடத்திலேயே உயிரிழந்தனர். பின்னர், தகவலறிந்து வந்து உடல்களை மீட்ட போலீசார் விசாரித்து வருகின்றனர்.