"மாணவி திட்டமிட்டே கொலை" - சிசிடிவி காட்சிகளை ஆய்வு செய்த போலீசார் தகவல்
"மாணவி திட்டமிட்டே கொலை" - சிசிடிவி காட்சிகளை ஆய்வு செய்த போலீசார் தகவல்
சென்னை பரங்கிமலை ரயில் நிலையத்தில், மாணவி உயிரிழந்த சம்பவத்தில், திட்டமிட்டே கொலை செய்யப்பட்டுள்ளதாக நடைமேடை சி.சி.டி.வி. காட்சிகளை வைத்து போலீசார் உறுதி செய்தனர்.
சென்னை பரங்கிமலை ரயில் நிலையத்தில், காதல் விவகாரத்தில் நடந்த வாக்குவாதத்தின்போது, சத்தியபிரியா என்ற கல்லூரி மாணவியை, சதீஷ் என்ற இளைஞர் தள்ளிவிட்டதில் உயிரிழந்தார்.
இந்த சம்பவத்தில் புதிதாக அமைக்கப்பட்ட நடைமேடையில் சிசிடிவி கேமராக்கள் இல்லாத நிலையில், பழைய நடைமேடையில் இருந்த சிசிடிவி காட்சிகளை கைப்பற்றி, போலீசார் ஆய்வு செய்தனர்.
அதில், சத்யபிரியாவுடன் சதீஷ் தகராறில் ஈடுபட்டதும், பின்னர் ரயில் முன் தள்ளி விடும் காட்சிகள் பதிவாகி இருந்ததாகவும் போலீசார் தரப்பில் கூறப்படுகிறது. எனினும், அந்த சி.சி.டி.வி. காட்சிகளை வெளியிட போலீசார் மறுத்துவிட்டனர்.
