வீட்டின் பாத்ரூமில் விசித்திர பொருள் - திடுக்கிட்ட 13 வயது சிறுமி-கைகுட்டையில் எடுத்து சென்ற போலீஸ்

சென்னை அருகே, வீட்டின் குளியல் அறையில் ரகசிய கேமரா வைத்து வீடியோ எடுத்ததாக, சிறுமி காவல்நிலையத்தில் புகார் அளித்துள்ளார். மீஞ்சூரை சேர்ந்த 13 வயசு சிறுமி ஒருவர், தனது வீட்டின் குளியல் அறையில் குளிக்கச் சென்ற போது, அங்கு பேனாவில் பொருத்தப்பட்டிருந்த ரகசிய கேமராவை கண்டு அதிர்ச்சி அடைந்து, பெற்றோரை அழைத்துள்ளார். தகவலின் பேரில் அங்கு வந்த போலீசார், பேனா கேமராவை கைக்குட்டையால் எடுத்துச் சென்று விசாரணை நடத்தி வருகின்றனர். இந்த சம்பவம் தொடர்பாக அதே பகுதியை சேர்ந்த வெங்கடேசலபதி என்ற இளைஞர் மீது புகார் எழுந்துள்ளதால், அந்த நபரிடம் போலீசார் விசாரணை மேற்கொண்டு வருகின்றனர்.