நட்ட நடு இரவில் தாய்மாமனை அருவாமனையில் அரிந்த ஆசை மருமகன்கள்

தாய் மாமனை அரிவாள் மனையில் வெட்டி மருமகன்கள் கொலை செய்த சம்பவம் சிவகங்கையில் பரபரப்பை ஏற்படுத்தி இருக்கிறது. சிவகங்கை பழைய அரசு மருத்துவமனை அருகே வசித்து வந்த அஷ்ரப் அலி என்பவரை, அவரின் சகோதரிகள் மகன்களான அப்துல் ரகுமான் மற்றும் ஆசிக் இருவரும் படுகொலை செய்திருக்கின்றனர். மகனை காப்பாற்ற வந்த அஷ்ரப் அலியின் தாய் மீதும் தாக்குதல் தொடுக்கப்பட்ட நிலையில், படுகாயமடைந்த அவர் மருத்துவமனையில் அனுமதிக்கபட்டிருக்கிறார். சம்பவத்தன்று இரவு ஏற்பட்ட திடீர் பிரச்சினையில் கொலை அரங்கேற்றப்பட்டதாக கூறப்படும் நிலையில், அஷ்ரப் அலியின் மருமகன்கள் இருவரையும் கைது செய்திருக்கும் போலீசார், தீவிர விசாரணை நடத்தி வருகின்றனர்.