சிவகங்கையை அதிரவைத்த கடிதம்.. பின்னணியில் பிரபல நிறுவனம்

மதுரையை தலைமையிடமாக கொண்ட நியோமேக்ஸ் என்ற நிதிநிறுவனம் ஆயிரக்கணக்கான நபர்களிடமிருந்து முதலீடு பெற்று மோசடி செய்தது.

இதனால், சிவகங்கை மாவட்டம் திருப்பாசேத்தியை சேர்ந்த ராமலிங்கம் என்பவர், 25 லட்ச ரூபாயை இழந்தார். மேலும் தனது உறவினர்கள் மற்றும் நண்பர்களையும், நியோ மேக்ஸ் நிறுவனத்தில் முதலீடு செய்ய வைத்துள்ளார். இந்நிலையில் மன உளைச்சலில் இருந்த ராமலிங்கம், தனது இறப்புக்கு நியோமேக்ஸ் நிறுவனம் தான் காரணம் என கடிதம் எழுதி வைத்துவிட்டு, விபரீத முடிவு. நியோ மேக்ஸ் நிறுவனத்திடம் இருந்து பணத்தை திரும்ப பெற்றுத்தரும் வரை ராமலிங்கத்தின் உடலை வாங்கமாட்டோம் என உறவினர்கள் போராட்டத்தில் ஈடுபட்டனர்