சினிமாவை விஞ்சிய சம்பவம்.. நண்பனை தூக்கிய கும்பல் - சேசிங் செய்து பிடித்த போலீஸ்

சினிமாவை விஞ்சிய சம்பவம்.. நண்பனை தூக்கிய கும்பல் - சேசிங் செய்து பிடித்த போலீஸ்

சினிமா பாணியில் இளைஞரைக் கடத்திய கும்பலை போலீசார் கைது செய்துள்ளனர். சிவகங்கை மாவட்டம் காஞ்சிரங்கால் பகுதியைச் சேர்ந்தவர் மோகன்தாஸ். இவரின் நண்பர் தினேஷ் என்பவர் அரவிந்தன் என்பவரது உறவுக்கார பெண்ணை அவதூறகாப் பேசியதாகக் கூறப்படுகிறது. இதனால் ஆத்திரமடைந்த அரவிந்தன் தனது நண்பர்களுடன் காரில் வந்து தினேஷிடம் தகராறில் ஈடுபட்டு இருக்கிறார். இதில் தினேஷ் திடீரென இரு சக்கரவாகனத்தில் தப்பிச் சென்றதால் அவரது நண்பர் மோகன்தாஸை காரில் கடத்தி தாக்கியதாகக் கூறப்படுகிறது. இது தொடர்பாகத் தகவல் கிடைத்த போலீசார் ஐந்து கிலோ மீட்டர் தூரம் துரத்திச் சென்று மோகன்தாஸை மீட்டுள்ளனர். கடத்தலில் ஈடுபட்ட அரவிந்தன் உட்பட ஐந்து பேரைக் கைது செய்து விசாரணை நடத்தி வருகின்றனர்.