கண்ணிமைக்கும் நேரத்தில் பாரை சூறையாடிய கும்பல் வெளியான அதிர்ச்சி சிசிடிவி

திருப்பூர் அருகே, மதுபான கூடத்தை அடித்து நொறுக்கும் சிசிடிவி காட்சி வெளியாகியுள்ளது. அவினாசி ஒன்றியம் பழங்கரை ஊராட்சிக்கு உட்பட்ட புதிய திருப்பூர் பகுதியில் உள்ள அரசு மதுபானக் கடையுடன் இணைந்த மதுபான கூடம் இயங்கி வருகிறது. அந்த மதுபான கூடத்தை நடத்த அரசியல் கட்சியை சேர்ந்த நபர் கேட்டதாக கூறப்படுகிறது. இதற்கு உரிமையாளர் மறுப்பு தெரிவித்ததால், ஆத்திரமடைந்த ஆதரவாளர்கள் மதுபானக்கூடத்தை அடித்து நொறுக்கினர். மேலும், மதுபானக் கூட ஊழியர்களை தாக்கியதில், சூர்யா என்பவர் படுகாயமடைந்தார். இதுதொடர்பான புகாரின் பேரில், போலீசார் விசாரணை நடத்தி வருகின்றனர்