`அதிர்ச்சி' - ஈபிஎஸ் ட்வீட்.. தொற்றிய புது பரபரப்பு

இதுதொடர்பாக அவர் எக்ஸ் தள பக்கத்தில், சென்னை கொடுங்கையூர் குப்பை கிடங்கில் பல கோடி மதிப்புமிக்க போதை பொருட்கள் கண்டெடுக்கப் பட்டிருப்பது, பெரும் அதிச்சியை அளிப்பதாக கூறியுள்ளார். எங்கு காணினும் போதைப்பொருட்களே நீக்கமற நிறைந்துள்ளன என கூறியுள்ள அவர், நாம் வாழ்வது தமிழ்நாடா? அல்லது போதைப்பொருள் மொத்தவிற்பனைக் கிடங்கா? என கேள்வியெழுப்பியுள்ளார். போதை பொருள் புழக்கத்தை ஒழிக்க முன்னெடுப்புகளை மேற்கொள்ளுமாறும், முதல்வர் ஸ்டாலினை அவர் வலியுறுத்தியுள்ளார். காவல்துறையும், போதைப் பொருள் தடுப்புப் பிரிவினரும் போர்க்கால அடிப்படையில் களமிறங்கி, தமிழ்நாட்டில் பரவியுள்ள போதைப்பொருட்களை பறிமுதல் செய்ய வேண்டுமென வலியுறுத்தியுள்ள எடப்பாடி பழனிசாமி, போதைப் பொருட்களை புழக்குவோர் யாராக இருப்பினும் பாடுபாடின்றி கைது செய்து, தமிழ்நாட்டை போதைப் பொருள் அற்ற மாநிலமாக மாற்ற வேண்டுமெனவும் கேட்டுக்கொண்டுள்ளார்