"வேலியே பயிரை மேய்ந்த கதை" - கட்டை பைக்குள் இருந்த பல லட்சம் - வனத்துறையின் அதிரடி வேட்டை

மேட்டுப்பாளையத்தில் யானை தந்தத்தை விற்க முயன்ற வேட்டைத் தடுப்பு காவலர் உள்பட 8 பேர் கைது செய்யப்பட்டனர்.

மேட்டுப்பாளையம்- ஊட்டி சாலையில் உள்ள பூங்காவில் ஒரு கட்டை பையில் யானை தந்தத்துடன் 3 பேர் நின்று கொண்டிருந்தனர். இதுகுறித்து தகவலறிந்து அங்கு வந்த வனத்துறையினர் 3 பேரையும் கையும், களவுமாக பிடித்து விசாரித்ததில், விளாமுண்டி வனச்சரகத்தில் பணிபுரியும் வேட்டை தடுப்பு காவலரான மணிகண்டன் என்பவர் யானை தந்தத்தை கொடுத்து விற்க சொன்னது தெரியவந்தது. இதையடுத்து மணிகண்டனை பிடித்து விசாரித்ததில், வனப்பகுதியில் ரோந்து சென்றபோது முறிந்து கிடந்த யானை தந்தத்தை யாருக்கும் தெரியாமல் மறைத்து எடுத்து வந்ததாக தெரிவித்தார். தொடர்ந்து மணிகண்டன் மற்றும் அதனை விற்க முயன்ற பிரதீஷ், குணசேகரன் உள்பட 8 பேரை கைது செய்த வனத்துறையினர் யானை தந்தத்தை பறிமுதல் செய்தனர்.