சொந்த ஊருக்கு வந்தவருக்கு ஸ்கெட்ச் போட்ட கும்பல்-அடுத்த நொடி தாய்க்கு வந்த கால்-பரபரப்பில் சேலம்

சேலம் கன்னங்குறிச்சியை சேர்ந்த வெங்கடேஷ், ஆஸ்திரேலியா நாட்டில் வேலை பார்த்து வரும் நிலையில் சமீபத்தில் சொந்த ஊருக்கு வந்து இருக்கிறார். கோவையில் உள்ள இரண்டரை கோடி ரூபாய் மதிப்புள்ள நிலத்தை வாங்குவதற்காக, அதே பகுதியை சேர்ந்த மகேந்திரனை அனுகி, பணத்தை அவரது வங்கி கணக்கிற்கு அனுப்பி இருக்கிறார். ஆனால், மகேந்திரனின் வங்கி கணக்கில் பணம் வராததால் அது குறித்து கேட்ட போது, வெளிநாட்டு பணம் என்பதால் வரவில்லை என கூறி இருக்கிறார். மேலும் அவசர தேவை என கூறி மகேந்திரனிடம் பெற்ற 25 லட்சம் ரூபாயை கொடுக்காமல் ஏமாற்றியதாக கூறப்படுகிறது. இதனால் ஆத்திரமடைந்த மகேந்திரன், வெங்கடேசை கடத்தி, அவரது தாயிடம் பணம் கேட்டு மிரட்டி இருக்கிறார். இதுகுறித்து வெங்கடேசின் தாய் அளித்த புகாரின் பேரில், தி.மு.க. பிரமுகர் மகேந்திரன் உட்பட 9 பேரை போலீசார் கைது செய்தனர்.