கத்தி கூச்சலிட்ட மன நலம் பாதிக்கப்பட்ட பெண்..கிழிந்த நடத்துநரின் முகத்திரை-கிருஷ்ணகிரியில் அதிர்ச்சி

கத்தி கூச்சலிட்ட மன நலம் பாதிக்கப்பட்ட பெண்..கிழிந்த நடத்துநரின் முகத்திரை - கிருஷ்ணகிரியில் அதிர்ச்சி சம்பவம்

கிருஷ்ணகிரி மாவட்டம் ஊத்தங்கரையில் மன நலம் பாதிக்கப்பட்ட பெண்ணுக்கு பாலியல் தொல்லை கொடுத்த முன்னாள் அரசு பேருந்து நடத்துநரை போலீசார் கைது செய்தனர்...ஊத்தங்கரை அருகேயுள்ள கிராமத்தை சேர்ந்தவர் முன்னாள் அரசு போக்குவரத்து கழக நடத்துநர் பொன்ரங்கன். இவர் பணியில் இருந்து நீக்கம் செய்யப்பட்ட நிலையில், கடந்த இரண்டு வருடங்களாக கிராமத்தில் மதுபோதையில் சுற்றி திரிந்திருக்கிறார். இந்நிலையில், அருகில் வசித்து வந்த 35 வயதுடைய மனநலம் பாதிக்கப்பட்ட பெண்ணிற்கு பொன்ரங்கன் மதுபோதையில் பாலியல் தொல்லை கொடுத்தது அதிர்ச்சியை ஏற்படுத்தியது. இதில், பெண் கத்தி கூச்சலிட்ட நிலையில், பொன்ரங்கனை பிடித்து பொதுமக்கள் போலீசில் ஒப்படைத்ததை தொடர்ந்து, அவரை போலீசார் சிறையில் அடைத்தனர்.