சாலை விபத்தில் 15 பள்ளி சிறுவர்களுக்கு நேர்ந்த பயங்கரம்.. ஈரோட்டில் அதிர்ச்சி

ஈரோடு மாவட்டம் பவானி அருகே ஏற்பட்ட சாலை விபத்தில் 15 பள்ளி சிறார்கள் உட்பட 17 பேர் காயம் அடைந்தனர். பவானி தாலுக்கா கருங்கரடு பிரிவு என்ற பகுதியில், மினி பேருந்தும் டிப்பர் லாரியும் நேருக்கு நேர் மோதி விபத்து ஏற்பட்டது. இதில் பள்ளி சிறார்கள் 10 பேருக்கு காயமும், 5 பேருக்கு படுகாயமும் ஏற்பட்டது. மேலும் மினிபேருந்து ஓட்டுநர் மற்றும் டிப்பர் லாரி ஓட்டுநரும் காயம் அடைந்தனர். படுகாயம் அடைந்த 5 சிறார்கள், மேல் சிகிச்சைக்காக ஈரோடு அரசு தலைமை மருத்துவமனைக்கு அனுப்பி வைக்கப்பட்டனர்.