பள்ளிகள் திறப்பு எப்போது? வெளியான முக்கிய தகவல்

ஜூன் மாதம் பள்ளிகள் திறந்ததும் அரசு பள்ளி மாணவர்களுக்கு வழங்க வேண்டிய 14 வகையான விலையில்லா திட்டங்களை வழங்குவது தொடர்பாக, தலைமைச் செயலாளர் சிவ்தாஸ் மீனா, ஆலோசனை மேற்கொண்டார். சென்னை தலைமைச் செயலகத்தில் நடைபெற்ற இந்த ஆலோசனை கூட்டத்தில் பள்ளிக்கல்வி இயக்குனர் அறிவொளி, தொடக்க கல்வி இயக்குனர் கண்ணப்பன் மற்றும் பல்வேறு அதிகாரிகள் கலந்து கொண்டனர். தற்போது கோடை விடுமுறையில் உள்ள மாணவர்களுக்கு, ஜூன் 10ஆம் தேதி மீண்டும் பள்ளிகள் திறக்கப்படும் என்று எதிர்பார்க்கப்படுகிறது. இந்நிலையில், அரசு பள்ளி மாணவர்களுக்கு வழங்க வேண்டிய நலத்திட்டங்கள் தொடர்பாகவும், பள்ளிகள் மீண்டும் எப்போது திறப்பது? என்பது குறித்தும், இந்த கூட்டத்தில் ஆலோசிக்கப்பட்டது.