நள்ளிரவில் கதவை தட்டும் சத்தம்... கையில் பட்டா கத்தியுடன் வலம் வரும் கும்பல் - குலைநடுங்கும் மக்கள்

நள்ளிரவில் கதவை தட்டும் சத்தம்... கையில் பட்டா கத்தியுடன் வலம் வரும் கும்பல் - குலைநடுங்கும் சேலம் மக்கள்

சேலம் மாவட்டம் கருப்பூர் அருகே, நள்ளிரவில் பட்டா கத்தியுடன் கொள்ளையர்கள் வலம் வரும் சிசிடிவி காட்சிகள் வெளியாகி பரவி வருகிறது. கொள்ளையர்கள் நால்வரும், மேட்டுப்பதி தெருவில் உள்ள அனைத்து வீடுகளின் கதவுகளையும் தட்டியதாக கூறப்படுவது பரபரப்பை ஏற்படுத்தி இருக்கிறது. தொடர்ந்து தெருவில் நிறுத்தி வைக்கப்பட்டிருந்த இருசக்கர வாகனத்தை திருடி சென்றதாகவும், செல்லும் வழியில் ஒரு வீட்டிற்குள் நுழைந்து தம்பதியை தாக்கி நகைகளை பறித்துச் சென்றதாகவும் கூறப்படுவது அதிர்ச்சியை ஏற்படுத்தி இருக்கிறது.