தீவட்டிப்பட்டியை உலுக்கிய கலவரம்.. மார்க் செய்யப்பட்ட 32 இடங்கள்.. மாற்றி யோசித்த சேலம் SP

சேலம் மாவட்டம் தீவட்டிப்பட்டியில் கண்காணிப்புப் பணிகளுக்காக 32 இடங்களில் சிசிடிவி கேமராக்கள் பொருத்தப்பட்டுள்ளன.

கடந்த மே மாதம் கோவில் திருவிழா தொடர்பாக தீவட்டிப்பட்டியில் கலவரம் வெடித்தது. இதனையடுத்து தீவட்டிப்பட்டியில் முக்கிய பகுதிகளை கண்காணிக்க மாவட்ட காவல் கண்காணிப்பாளர் அருண் கபிலன் உத்தரவிட்டார். இந்நிலையில் கண்காணிப்புப் பணிகளுக்காக தீவட்டிப்பட்டியில் உள்ள 32 இடங்களில் சிசிடிவி கேமராக்கள் பொருத்தப்பட்டுள்ளன. பேருந்து நிறுத்தம், கலவரம் நடந்த பகுதிகள், தேசிய நெடுஞ்சாலையுடன் இணையும் பகுதிகள், நாச்சினம்பட்டி காலனி உள்ளிட்ட பகுதிகளில் சிசிடிவி கேமராக்கள் வைக்கப்பட்டுள்ள நிலையில், இவற்றின்மூலம் போலீசார் கண்காணிப்புப் பணியை மேற்கொண்டு வருகின்றனர்.