கடைகளுக்கு தீ வைப்பு, கல்வீச்சு தாக்கு... குவிந்த போலீசார் - சேலம் அருகே பரபரப்பு

தீவட்டிப்பட்டி பெரியமாரியம்மன் கோவில் திருவிழாவில் இரு தரப்பினரிடையே தகராறு ஏற்பட்டு கைகலப்பானது பரபரப்பை ஏற்படுத்தியது. இதில் 5 க்கும் மேற்பட்ட கடைகள் தீ வைத்து கொளுத்தப்பட்டு, கல்வீச்சு தாக்குதல் நடத்தப்பட்டது பெரும் பதற்றத்தை ஏற்படுத்தியது. சம்பவம் தொடர்பான வீடியோ காட்சிகளின் அடிப்படையில் சுமார் 28 க்கும் மேற்பட்டோரை போலீசார் கைது செய்தனர். மேலும் அசம்பாவிதங்கள் ஏற்படாமல் இருக்க தர்மபுரி மற்றும் கிருஷ்ணகிரி மாவட்டங்களில் இருந்தும் ஏராளமான போலீசார் வரவழைக்கப்பட்டு குவிக்கப்பட்டுள்ளனர். இந்த மோதலால் திருவிழா தடை பட்ட நிலையில், வீதியில் இருந்த பெரும்பாலான கடைகள் அடைக்கப்பட்டு சாலைகள் வெறிச்சோடின.