தீபாவளி போதையில் வெறி பிடித்த மிருகமாக மாறிய 20 இளைஞர்கள் - கண்ணில் பட்டவர்களுக்கெல்லாம் அடி

தீபாவளி போதையில் வெறி பிடித்த மிருகமாக மாறிய 20 இளைஞர்கள் - கண்ணில் பட்டவர்களுக்கெல்லாம் அடி

சேலம் அருகே மதுபோதையில் வீட்டை சூறையாடி தாக்குதலில் ஈடுபட்ட 5 இளைஞர்களை போலீசார் கைது செய்து, 8 பிரிவுகளின்கீழ் வழக்குப்பதிவு செய்துள்ளனர்.

சேலம் அருகே பெருமாம்பட்டி, பூசநாயக்கனூர் மேல்காடு பகுதியை சேர்ந்த விஜய் என்பவர் வீட்டிற்குச் செல்லும் வழியில், சாலையில் மது அருந்தி, பட்டாசு வெடித்து ரகளையில் ஈடுபட்டவர்களை தட்டிக்கேட்டபோது தகராறு ஏற்பட்டதாக கூறப்படுகிறது. இதையடுத்து, அந்தக்கும்பல் 20க்கும் மேற்பட்டோருடன் மேல்காடு பகுதியில் விஜய்யின் வீட்டை தேடியுள்ளது. தவறுதலாக அருகில் இருந்த புகைப்பட கலைஞர் சதீஷ் என்பவரது வீட்டுக்குள் சென்றதால், அங்கிருந்தவர்கள் அலறியடித்துக் கொண்டு வீட்டின் கதவை தாழிட்டுக் கொண்டனர். இதனால் ஆத்திரமடைந்த அந்த இளைஞர்கள், வீட்டின் கதவை சேதப்படுத்தியதுடன், மேற்கூரையில் உள்ள ஓடுகளை உடைத்து உள்ளே இறங்கி சதீஷை கொடூரமாக தாக்கியுள்ளனர். அப்போது தடுக்க வந்த மேலும் சிலரையும் தாக்கினர். இதில் 6 பேர் காயமடைந்தனர். சதீஷ்குமார், ஜெயக்குமார், செல்வராஜ், வெங்கடாசலம் ஆகியோர் சேலம் அரசு மருத்துவமனையில் அனுமதிக்கப்பட்டுள்ளனர். இதனிடையே, தாக்குதலில் ஈடுபட்ட 5 பேரை போலீசார் கைது செய்து, கொலை முயற்சி, எஸ்சி எஸ்டி உள்ளிட்ட 8 பிரிவுகளில் வழக்குப்பதிவு செய்துள்ளனர். தாக்குதலில் ஈடுபட்ட மேலும் சிலரை தேடி வருகின்றனர்.