ரோல்ஸ்-ஆக மாறிய சிங்கம்... கடத்தல்காரனிடமே போதைப்பொருள் திருட்டு டிபார்ட்மெண்டை அலறவிட்ட திருட்டு SI

மும்பையில், பறிமுதல் செய்யப்பட்ட 80 லட்சம் ரூபாய் மதிப்பிலான போதைப்பொருளை அதிகாரிகளுக்கு தெரியாமல் விற்பனை செய்து வந்த காவல் உதவி ஆய்வாளர் கைது செய்யப்பட்டார். தெலங்கானா மாநிலம் சைபராபாத் காவல் ஆணையர் அலுவலகத்தில், சைபர் கிரைம் பிரிவு உதவி ஆய்வாளராக வேலை செய்து வந்தவர் ராஜேந்தர். வழக்கு ஒன்றிற்காக மும்பை சென்ற அவர், அங்கு நைஜீரியாவை சேர்ந்த இளைஞரை கைது செய்ததுடன், அவரிடம் இருந்து 80 லட்சம் ரூபாய் மதிப்பிலான போதைப்பொருளை கைப்பற்றினார். இதனை அதிகாரிக்கு தெரிவிக்காமல், தனது வீட்டிற்கு எடுத்துச் சென்ற ராஜேந்தர், அதனை மறைமுகமாக விற்று வந்த நிலையில், தகவலின் பேரில் அவர் கைது செய்யப்பட்டார்.