அடிபம்புடன் சேர்த்து அமைக்கப்பட்ட சாலை : சமூக வலைதளங்களில் வைரலாகும் போட்டோ

அடிபம்புடன் சேர்த்து அமைக்கப்பட்ட சாலை : சமூக வலைதளங்களில் வைரலாகும் போட்டோ

பொள்ளாச்சி அருகே சூளேஸ்வரன்பட்டியில் அடிபம்புடன் சேர்த்து சாலை அமைக்கப்பட்டதன் போட்டோ சமூக வலைதளங்களில் வைரலாகி வருகிறது.

சூளேஸ்வரன்பட்டியில் உள்ள சாலை பழுதடைந்து இருந்ததால், விபத்துகள் அதிகரித்ததோடு மக்களும் நடந்து செல்ல முடியாத நிலை நிலவியது.

இதனால் அப்பகுதி மக்கள் தார்சாலை அமைக்க வேண்டும் என்று கோரிக்கை விடுத்தனர்.

இதையடுத்து அந்த பகுதியில் சாலை அமைக்கும் பணி நடைபெற்றது. இந்த நிலையில், ஒப்பந்ததாரர்கள் சாலை அமைக்கும் போது அந்த பகுதியில் உள்ள அடி பம்பையும் சேர்த்து சாலை அமைத்துள்ளனர்.

இதனால் இந்த அடி பம்பை பொதுமக்கள் பயன்படுத்த முடியாத சூழ்நிலை ஏற்பட்டுள்ளது.

இதுகுறித்த புகைப்படம் வாட்ஸ்-அப் மற்றும் முகநூல் உள்பட சமூக வலை தளங்களில் வைரலாகி வருகிறது.