முழிச்சிருக்கும் போதே கண்ணை குத்திய ரேஷன் கடை ஊழியர்.. மதுரையை அதிர்ச்சியாக்கிய வைரல் வீடியோ

மதுரை மாநகர் மேல பொன்னகரம் பகுதியில் உள்ள அமுதம் நியாய விலை கடை எண் - 18ல், பொருட்கள் சரியாக வரவில்லை எனக் கூறி, கடந்த சில நாட்களாக பொதுமக்களை திருப்பி அனுப்பியதாக கூறப்படுகிறது. ஆனால் கடை ஊழியர் பட்டப் பகலில் மினி ஆட்டோவில் அரிசி மூட்டைகளை ஏற்றி சென்ற வீடியோ சமூக வலைதளங்களில் வேகமாக பரவியது. அதை பார்த்த மக்கள், கடை ஊழியரிடம் வாக்குவாதத்தில் ஈடுபட்டனர். இந்தநிலையில், அந்த ரேஷன் கடையில் உள்ள இருப்பு மற்றும் பொதுமக்களுக்கு விநியோகிக்கப்பட்ட அரிசி பருப்பு உள்ளிட்டவைகளை தமிழ்நாடு நுகர்பொருள் வாணிபக் கழக மதுரை மண்டல அதிகாரிகள் நேரில் ஆய்வு செய்தனர்